సంబంధిత వార్తలు
టాలీవుడ్ వార్తలు
ఆగస్ట్ 16 నుంచి గుంటూరు కారం దంపుడు షురూ!
త్రివిక్రం శ్రీనివాస్‌, మహేష్ బాబు కాంబినేషన్‌లో సినిమా అనగానే అభిమానులే కాదు... తెలుగు ప్రేక్షకులు అందరూ దాని కోసం ఆసక్తిగా ఎదురుచూస్తున్నారు. అయితే ఇద్దరూ కలిసి కారం దంచడం మొదలుపెట్టినప్పటి నుంచి ఏవో ఓ అవాంతరాలు రావడం షూటింగ్‌ నిలిచిపోతుండటం చూసి అభిమానులు చాలా నిరుత్సాహపడ్డారు.
అయితే ఆగస్ట్ 16 నుంచి మళ్ళీ ఏకధాటిగా గుంటూరు కారం దంపుడు మొదలుపెట్టబోతున్నట్లు తాజా సమాచారం. ఈ సినిమా నుంచి సినిమాటోగ్రాఫర్ వినోద్ తప్పుకోవడంతో షూటింగ్‌కు బ్రేక్ వచ్చింది. ఆయన స్థానంలో మనోజ్ పరమహంస జాయిన్ అవడంతో షూటింగ్‌ ప్రారంభించడానికి అంతా సిద్దమైన్నట్లే.
ఈ షెడ్యూల్ కోసం హైదరాబాద్‌ శివార్లలో ఇప్పటికే ఓ పెద్ద ఇంటి సెట్ కూడా సిద్దమైంది. దానిలోనే మహేష్ బాబుతో ఉన్న సన్నివేశాలన్నీ పూర్తిచేసేవరకు బ్రేక్ తీసుకోకూడదని త్రివిక్రం శ్రీనివాస్‌ నిర్ణయించిన్నట్లు తెలుస్తోంది. అయితే ముందుగా మిగిలినవారితో సన్నివేశాలను కొన్ని పూర్తిచేసిన తర్వాత మహేష్ బాబు జాయిన్ అవుతాడని సమాచారం.
ఈ సినిమాలో మహేష్ బాబుకి జోడీగా మీనాక్షీ చౌదరి నటిస్తోంది. హారిక అండ్ హాసిని క్రియేషన్స్ బ్యానర్‌పై ఎస్.రాధాకృష్ణ ఈ సినిమాను నిర్మిస్తున్నారు. ఈ సినిమాకు సంగీతం ఎస్.తమన్, కెమెరా: మనోజ్ పరమహంస, ఎడిటింగ్ నవీన్ నూలి, ఆర్ట్ డైరెక్టరుగా ఏఎస్ ప్రకాష్ పనిచేస్తున్నారు. ఈ సినిమా వచ్చే ఏడాది సంక్రాంతి పండుగ సందర్భంగా జనవరి 13వ తేదీన విడుదల కాబోతోంది.
