టాలీవుడ్ వార్తలు

మెహర్ రమేష్ దర్శకత్వంలో మెగాస్టార్ చిరంజీవి, తమన్నా జోడీగా వస్తున్న భోళాశంకర్‌ సినిమా ఆగస్ట్ 11న ప్రపంచవ్యాప్తంగా విడుదల కాబోతోంది. భోళాశంకర్‌ సెన్సార్ పని కూడా పూర్తయిపోయింది. ఈ సినిమాకు సెన్సార్ బోర్డ్ యు/ఏ సర్టిఫికేట్ ఇచ్చింది. సినిమా చాలా బాగుందని సెన్సార్ బోర్డ్ సభ్యులు చెప్పినట్లు తెలుస్తోంది. 

భోళాశంకర్‌లో చిరంజీవి కోల్‌కతాలో టాక్సీ డ్రైవరుగా, తమన్నా లాయరుగా, చిరంజీవి చెల్లెలుగా కీర్తి సురేష్ నటిస్తున్నారు. ఈ సినిమాలో మురళీశర్మ, రఘుబాబు, వెన్నెల కిషోర్, కాశి విశ్వనాథ్, బ్రహ్మాజీ, వేణు, సుశాంత్, ఉత్తేజ్, రవిశంకర్, హైపర్ ఆది, తరుణ్ అరోరా, తాగుబోతు రమేష్, బిత్తిరి సత్తి, గెటప్ శ్రీను, షావార్ ఆలీ, సితార, ప్రగతి, సత్య అక్కల, రశ్మి గౌతమ్, శ్రీముఖి, తులసి శివమణి, లోబో ముఖ్యపాత్రలు చేస్తున్నారు. 

తమిళంలో సూపర్ హిట్ అయిన వేదాళం (2015)ని తెలుగులో భోళాశంకర్‌గా తెరకెక్కిస్తున్నారు. ఈ సినిమాని ఏకే ఎంటర్‌టైన్‌మెంట్స్‌, క్రియేటివ్ కమర్షియల్స్ బ్యానర్లపై రామబ్రహ్మం సుంకర, అజయ్ సుంకర నిర్మిస్తున్నారు. 

ఈ సినిమాకి సంగీతం: మహతి స్వరసాగర్, పాటలు: రామజోగయ్య శాస్త్రి, కాసర్ల శ్యామ్, డైలాగ్స్: మామిడ్ల తిరుపతి, కొరియోగ్రఫీ: శేఖర్ మాస్టర్, ఫైట్స్: రామ్-లక్ష్మణ్, దిలీప్ సుబ్బరాయన్, ఫోటోగ్రఫీ: డుడ్లీ, ఎడిటింగ్: మార్తాండ్ కె వెంకటేష్ అందిస్తున్నారు.