సంబంధిత వార్తలు
టాలీవుడ్ వార్తలు
కుషీ టైటిల్‌ సాంగ్‌... బాగానే ఉంది!
శివ నిర్వాణ దర్శకత్వంలో విజయ్ దేవరకొండ, సమంత జంటగా నటిస్తున్న ఖుషీ సినిమా నుంచి ఇప్పటికే రెండు లిరికల్ వీడియో సాంగ్స్ విడుదలయ్యాయి. రెండూ చాలా మెలోడియస్‌గా ఉండటంతో సినిమాపై అంచనాలు పెరిగాయి. తాజాగా ఈరోజు కుషీ టైటిల్‌ సాంగ్‌ కూడా విడుదల చేశారు. ఈ పాటను కూడా దర్శకుడు శివ నిర్వాణాయే వ్రాయగా, ఈ సినిమాకు సంగీతం అందిస్తున్న హషమ్ అబ్దుల్ ఆలపించారు.
ఖుషీ సినిమాలో మురళీ శర్మ, అలీ, వెన్నెల కిషోర్, రాహుల్ రామకృష్ణ, జయరాం, సచిన్ కేడ్కర్, లక్ష్మి, శ్రీకాంత్ అయ్యంగార్, రోహిణి తదితరులు ముఖ్యపాత్రలు చేస్తున్నారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, వై.రవి శంకర్ కలిసి ఈ సినిమాను తెలుగు, తమిళ్, కన్నడ, మలయాళం, హిందీ భాషల్లో నిర్మిస్తున్నారు.
ఈ సినిమాకు కెమెరా: మురళి జి, సంగీతం: హషమ్ అబ్దుల్ వాహేబ్, కొరియోగ్రఫీ: రాజు సుందరం, బృంద, పోనీ వర్మ అందిస్తున్నారు. సెప్టెంబర్‌ 23న ఖుషీ విడుదల కాబోతోంది.
