టాలీవుడ్ వార్తలు

శివ నిర్వాణ దర్శకత్వంలో విజయ్ దేవరకొండ, సమంత జంటగా నటిస్తున్న ఖుషీ సినిమా నుంచి “ఆరాధ్యా... ఆరాధ్యా.... నువ్వే లేనిదేదీవద్దు ఆరాధ్యా... “ అంటూ సాగే లిరికల్ వీడియో సాంగ్‌ విడుదల చేశారు. ఈ పాటను దర్శకుడు శివ నిర్వాణాయే వ్రాయగా, ఈ సినిమాకు సంగీతం అందిస్తున్న హషమ్ అబ్దుల్ వాహేబ్ ఇంగ్లీషులో పాటను వ్రాయడం విశేషం. దర్శకుడు, సంగీత దర్శకుడు మనసుపెట్టి వ్రాస్తే ఆ పాట ఎంత మధురంగా ఉంటుందో ఈ పాటను వింటే అర్దమవుతుంది. ఈ పాటను సిద్ శ్రీరామ్, చిన్మయి శ్రీపాద చాలా చక్కగా పాడారు. 

ఖుషీలో మురళీ శర్మ, అలీ, వెన్నెల కిషోర్, రాహుల్ రామకృష్ణ, జయరాం, సచిన్ కేడ్కర్, లక్ష్మి, శ్రీకాంత్ అయ్యంగార్, రోహిణి తదితరులు ముఖ్యపాత్రలు చేస్తున్నారు. 

మైత్రీ మూవీ మేకర్స్ బ్యానర్‌పై నవీన్ ఎర్నేని, వై.రవి శంకర్ కలిసి ఈ సినిమాను తెలుగు, తమిళ్, కన్నడ, మలయాళం, హిందీ భాషల్లో నిర్మిస్తున్నారు. ఈ సినిమాకు కెమెరా: మురళి జి, సంగీతం: హషమ్ అబ్దుల్ వాహేబ్, కొరియోగ్రఫీ: దిల్‌రాజు సుందరం, బృంద, పోనీ వర్మ అందిస్తున్నారు. సెప్టెంబర్ 23న ఈ సినిమా విడుదల కాబోతోంది.