టాలీవుడ్ వార్తలు

మెగాస్టార్ చిరంజీవి, తమన్నా జోడీగా వస్తున్న భోళాశంకర్‌ సినిమాలో రెండో పాట “జామ్‌ జామ్ జజ్జనక.... తెల్లార్లు ఆడుదాము తైతెక్కా... “ అంటూ సాగే లిరికల్ వీడియో సాంగ్‌ కొద్ది సేపటి క్రితం విడుదలైంది. కాసర్ల శ్యామ్ వ్రాసిన ఈ పాటను మహతి స్వరసాగర్ స్వరపరచగా అనురాగ్ కులకర్ణి, మంగ్లీ బృందం ఆలపించింది.

ఈ పాటకు సంగీతం చాలా రొటీన్‌గానే అనిపిస్తుంది. కనుక పాట మద్యలో చిరంజీవి డ్యాన్స్ చేయడం ఆపి “తమ్ముళ్ళూ మనకి కాస్త ఛేంజ్ కావలమ్మా దరువు మార్చి కొత్త సౌండ్ వేసుకోండి...” అంటూ చెప్పడం చూస్తే నిజంగానే అవసరమనిపిస్తుంది.  

భోళాశంకర్‌లో చిరంజీవి, తమన్నాలతో పాటు కీర్తి సురేష్, మురళీశర్మ, రఘుబాబు, వెన్నెల కిషోర్, కాశి విశ్వనాథ్, బ్రహ్మాజీ, వేణు, సుశాంత్, ఉత్తేజ్, రవిశంకర్, హైపర్ ఆది, తరుణ్ అరోరా, తాగుబోతు రమేష్, బిత్తిరి సత్తి, గెటప్ శ్రీను, షావార్ ఆలీ, సితార, ప్రగతి, సత్య అక్కల, రశ్మి గౌతమ్, శ్రీముఖి, తులసి శివమణి, లోబో ముఖ్యపాత్రలు చేస్తున్నారు. 

తమిళంలో సూపర్ హిట్ అయిన వేదాళం (2015)కి ఇది తెలుగు రీమేక్. ఈ సినిమాని ఏకే ఎంటర్‌టైన్‌మెంట్స్‌, క్రియేటివ్ కమర్షియల్స్ బ్యానర్లపై రామబ్రహ్మం సుంకర, అజయ్ సుంకర నిర్మిస్తున్నారు. 

ఈ సినిమాకి సంగీతం: మహతి స్వరసాగర్, పాటలు: రామజోగయ్య శాస్త్రి, కాసర్ల శ్యామ్, డైలాగ్స్: మామిడ్ల తిరుపతి, కొరియోగ్రఫీ: శేఖర్ మాస్టర్, ఫైట్స్: రామ్-లక్ష్మణ్, దిలీప్ సుబ్బరాయన్, ఫోటోగ్రఫీ: డుడ్లీ, ఎడిటింగ్: మార్తాండ్ కె వెంకటేష్ అందిస్తున్నారు. భోళాశంకర్‌ ఆగస్ట్ 11న ప్రపంచవ్యాప్తంగా విడుదల కాబోతోంది.