టాలీవుడ్ వార్తలు

మహేష్ బాబు, త్రివిక్రం శ్రీనివాస్‌ కాంబినేషన్‌లో వస్తున్న ‘గుంటూరు కారం’ సినిమాలో పూజా హెగ్డే హీరోయిన్, ఆమె చెల్లెలుగా శ్రీలీల నటిస్తున్నారు. ఈరోజు శ్రీలీల పుట్టినరోజు సందర్భంగా చిత్ర బృందం గుంటూరు కారం సినిమాకు సంబందించి ఆమె పోస్టర్‌ రిలీజ్‌ చేసింది. రఫ్ అండ్ టఫ్‌గా కనిపిస్తున్న మహేష్ బాబుతో మరో పోస్టర్‌ కూడా రిలీజ్‌ చేసింది. గుంటూరు కారం చాలా ఘాటుగా ఉంటుంది కానీ రెండు పోస్టర్లలో శ్రీలీల చాలా స్వీటుగా ఉంది.   

హారిక అండ్ హాసిని క్రియేషన్స్ బ్యానర్‌పై ఎస్.రాధాకృష్ణ గుంటూరు కారం సిద్దం చేస్తున్నారు. ఈ సినిమాకు సంగీతం ఎస్.తమన్, కెమెరా: పిఎస్ వినోద్, ఎడిటింగ్ నవీన్ నూలి, ఆర్ట్ డైరెక్టరుగా ఏఎస్ ప్రకాష్ పనిచేస్తున్నారు. అతడు, ఖలేజా సినిమాల తర్వాత ఇన్నేళ్ళకు మహేష్ బాబు, త్రివిక్రం శ్రీనివాస్‌ కాంబినేషన్‌లో వస్తున్న గుంటూరు కారంపై చాలా భారీ అంచనాలే ఉన్నాయి. ఇటీవల విడుదలైన్ టీజర్‌కు మంచి స్పందన వస్తోంది. వచ్చే ఏడాది సంక్రాంతి పండుగకు అంటే జనవరి 13న సినిమా రిలీజ్‌ కాబోతోంది.