సంబంధిత వార్తలు
టాలీవుడ్ వార్తలు
నెట్‌ఫ్లిక్స్‌లో దసరా... ఏప్రిల్ 27 నుంచి ప్రసారం
శ్రీకాంత్ ఓదెల దర్శకత్వంలో నాని, కీర్తిసురేష్ జంటగా వచ్చిన దసరా సినిమా మార్చి 30న థియేటర్లలో విడుదలైంది. సినిమాకు పాజిటివ్ టాక్ రావడంతో తొలిరోజు నుంచే వసూళ్ళలో దూసుకుపోటూ వంద కోట్లు రాబట్టింది. ఏ సినిమా అయినా థియేటర్లలో విడుదలైన నెలరోజుల తర్వాత ఓటీటీలో విడుదల చేసుకోవాలని నిర్మాతల మండలి ఒప్పందం చేసుకొన్నప్పటికీ, కొంత మంది ఇంకా ముందుగానే విడుదల చేసుకొంటున్నారు. కనుక దసరా సినిమా మూడు రోజులు ముందుగా అంటే ఈ నెల 27న నెట్‌ఫ్లిక్స్‌లో విడుదల కాబోతోంది.
తెలంగాణ రాష్ట్రంలో సింగరేణి బొగ్గు గనులు ఉండే వీర్లపల్లి గ్రామంలో నివసించే ధరణి (నాని), సూరి (దీక్షిత్ శెట్టి), వెన్నెల (కీర్తి సురేశ్)ల జీవితాలను ఉపసర్పంచ్ ఎన్నికలు ఏవిదంగా ప్రభావితం చేశాయనేది ఈ సినిమా కధాంశం. ముగ్గురూ పోటీపడి నటించి మెప్పించారు. కధాంశం, కధనం, కెమెరా, సంగీతం, భావోద్వేగాలు అన్ని చాలా చక్కగా కుదరడంతో సినిమా సూపర్ హిట్ అయ్యింది. ఇప్పుడు ఈ సినిమా ఓటీటీలో వచ్చేస్తోంది కనుక వారు కూడా చూసి ఆనందించవచ్చు.
