టాలీవుడ్ వార్తలు

‘ధమాకా’తో మళ్ళీ హిట్ కొట్టిన మాస్ మహారాజ రవితేజ తర్వాత చిత్రం రావణాసుర చిత్రంతో ఏప్రిల్ 7న ప్రేక్షకుల ముందుకు రాబోతున్నాడు. సుధీర్ వర్మ దర్శకత్వంలో తెరకెక్కుతున్న ఈ సినిమా టీజర్‌ నేడు విడుదలైంది. సినిమాకి రావణాసుర టైటిల్‌, టీజర్‌లో “సీతను తీసుకువెళ్ళాలంటే సముద్రం దాటితో సరిపోదు... ఈ రావణాసురుడిని దాటి వెళ్ళాలి...” అంటూ రవితేజ చెప్పిన డైలాగ్‌ని బట్టి ఈ సినిమాలో రవితేజ డబుల్ రోల్ చేస్తున్నట్లు అర్దమవుతోంది. ఇది పవర్ ఫుల్ పోలీస్ ఆఫీసర్-క్రిమినల్ కధాంశంతో రవితేజ మార్క్ యాక్షన్ సినిమా అని టీజర్‌ చూస్తే అర్దమవుతోంది.    

కొద్దిరోజుల క్రితం విడుదలైన “దశకంఠ రావణా... రావణా..” అనే రావణాసుర యాంథమ్‌ సాంగ్‌కు సోషల్ మీడియాలో మంచి స్పందన వచ్చింది. 

ఈ సినిమాలో రవితేజకు జోడీగా అనూ ఎమ్మాన్యుయేల్, ఫారియా అబ్దుల్లా హీరోయిన్లుగా నటిస్తున్నారు. ఈ సినిమాని అభిషేక్ నామతో కలిసి రవితేజ తమ రవితేజ టీమ్ వర్క్స్, అభిషేక్ పిక్చర్స్ బ్యానర్‌లపై నిర్మిస్తున్నారు. 

ఈ సినిమాకి దర్శకత్వం: సుధీర్ వర్మ, కధ, స్క్రీన్ ప్లే, డైలాగ్స్: శ్రీకాంత్ విస్సా, సంగీతం: హర్షవర్ధన్ రామేశ్వర్, భీంస్ శిశిరోలియో, ఫోటోగ్రఫీ: విజయ్‌ కార్తీక్ కణ్ణన్, ఆర్ట్: డిఆర్‌కె కిరణ్, ఎడిటింగ్: నవీన్ నూలి చేస్తున్నారు. రావణాసుర సినిమా ఏప్రిల్ 7న విడుదల కాబోతోంది.