టాలీవుడ్ వార్తలు

మెగాస్టార్, శ్రుతీ హాసన్‌ జంటగా చేసిన వాల్తేర్ వీరయ్య సినిమా సంక్రాంతి పండుగ సందర్భంగా జనవరి 13నా విడుదలై, ఊహించిన దానికంటే సూపర్ డూపర్ హిట్ అయ్యింది. ఆచార్య, గాడ్ ఫాదర్‌ సినిమాలతో తీవ్ర నిరాశ చెందిన చిరంజీవికి, ఆయన అభిమానులకి ఈ సినిమా సూపర్ హిట్ అవడం చాలా సంతోషంగా ఉన్నారు. 

కనుక ఈ సినిమా ఓటీటీలోకి ఎప్పుడు వస్తుందని ఓటీటీ ప్రేక్షకులు ఆతృతగా ఎదురుచూస్తున్నారు. ఈ నెల 27వ తేదీ నుంచి వాల్తేర్ వీరయ్య సినిమా నెట్‌ఫ్లిక్స్‌లో ప్రసారం కాబోతోంది. చిరంజీవి చెప్పుకొన్నట్లు చాలా ఏళ్ళ తర్వాత మెగా అభిమానులని సంతృప్తి పరిచేవిదంగా ఈ సినిమా ఉంది. వాల్తేర్ వీరయ్యగా చిరంజీవి నటన, బాడీ లాంగ్వేజ్, కామెడీ టైమింగ్, ఫైట్స్, డ్యాన్స్, మంచి మాస్ బీట్ పాటలు అన్ని చక్కగా కుదరడంతో సినిమా సూపర్ హిట్ అయ్యింది. చిరంజీవి వీరాభిమాని బాబీ ఈ సినిమాకి దర్శకత్వం వహించడంతో తన వంటి అభిమానులు చిరంజీవి నుంచి ఏమి కోరుకొంటారో సరిగ్గా అదే వాల్తేర్ వీరయ్య ద్వారా అందించాడు. ఈ సినిమా సూపర్ హిట్ అవడానికి ఇదీ మరో కారణమే!