టాలీవుడ్ వార్తలు

మాస్ మహారాజా రవితేజ, శ్రీలీల జంటగా వస్తున్న ధమాకా సినిమా ఈ నెల 23న థియేటర్లలో విడుదల కాబోతోంది. ఈ సినిమా టీజర్‌ ఇప్పటికే విడుదలవగా ఇప్పుడు ట్రైలర్‌ కూడా విడుదలైంది. రవితేజ మార్క్ పంచ్ డైలాగులు, ఫైట్స్, డ్యాన్సులతో వచ్చిన ట్రైలర్‌ ఆయన అభిమానులను, ముఖ్యంగా మాస్ ఆడియన్స్‌కి చాలా నచ్చుతుంది.  

ధమాకాలో రవితేజ డబుల్ రోల్ చేస్తున్నాడు. జులాయిగా తిరిగే మద్య తరగతి యువకుడిగా, మరొకటి సూటుబూటు వేసుకొని తిరిగే పెద్ద పారిశ్రామికవేత్తగా చేస్తున్నాడు. నక్కిన త్రినాధరావు దర్శకత్వంలో తెరకెక్కిన ఈ చిత్రంలో తనికెళ్ళ భరణి, రావు రమేష్, అలీ, ప్రవీణ్, చిరాగ్ జానీ, హైపర్ ఆది, జయరాం, సచిన్ ఖేడేఖర్ తదితరులు ముఖ్యపాత్రలు చేస్తున్నారు.      

పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, అభిషేక్ అగర్వాల్ ఈ సినిమాని నిర్మించారు. డబుల్ ఇంపాక్ట్ సబ్ టైటిల్‌తో వస్తున్న ధమాకా చిత్రానికి స్క్రీన్ ప్లే, డైలాగ్స్: ప్రసన్న కుమార్‌ బెజవాడ, పాటలు: రామజోగ్గయ్య శాస్త్రి, కాసర్ల శ్యామ్, సుద్ధాల అశోక్ తేజ్, సంగీతం: భీంస్ సెసీరోలియో, కొరియోగ్రఫీ: శేఖర్ విజే జానీ మాస్టర్, కెమెరా: కార్తీక్ ఘట్టమనేని, స్టంట్స్: రామ్, లక్ష్మణ్ అందించారు.