టాలీవుడ్ వార్తలు

యువ హీరోల్లో నిఖిల్ పంథా వేరు. కొత్త కథలతో ముందుకొస్తున్న నిఖిల్ రిజల్ట్ కూడా అదే రేంజ్లో అందుకుంటున్నాడు. శంకరాభరణం సినిమాతో అంచనాలను అందుకోలేకపోయిన నిఖిల్ ప్రస్తుతం ఎక్కడికిపోతావు చిన్నవాడా సినిమాతో రాబోతున్నాడు. విఐ ఆనంద్ డైరెక్ట్ చేస్తున్న ఈ సినిమా ఫస్ట్ లుక్ పోస్టర్ తోనే హైప్ క్రియేట్ చేసింది. ఇక నిన్న రిలీజ్ అయిన టీజర్ అందరిని షాక్ అయ్యేలా చేసింది. మరణం తర్వాత బరువు 21 గ్రాములు తగ్గడం ఆ బరువు ఎవరిది ఆత్మదా..? అంటూ చాలా ఎక్సయిట్మెంట్ ఏర్పడేలా చేసిన ఈ టీజర్ ఓ రకంగా ఆడియెన్స్ ను థ్రిల్లింగ్ చేసింది. 

అంచనాలే లేని ఈ సినిమాపై ఆనంద్ ఓ రేంజ్లో టీజర్ వదిలి వారెవా అనిపించేలా చేశాడు. ప్రస్తుతం తుది దశకు చేరుకున్న ఈ సినిమా పోస్ట్ ప్రొడక్షన్ కార్యక్రమాలు జరుపుకుంటుంది. నిఖిల్ లుక్ కూడా చాలా కొత్తగా ఉంది. హీరోయిన్ హెబ్భా పటేల్ క్యూట్ లుక్స్ తో అదరగొట్టింది. మరి టీజర్ తో భయపెట్టి ఆడియెన్స్ మెప్పు పొందిన ఈ సినిమా ఫలితం ఎలా ఉండబోతుందో చూడాలి. కొత్త ఆలోచనతో కొత్త ఉత్సాహంతో సినిమాలు చేస్తున్న యువ హీరోలకు ప్రేక్షకులు కూడా తమ సపోర్ట్ ఇస్తున్నారు.