సంబంధిత వార్తలు
టాలీవుడ్ వార్తలు
జూన్‌ 24న సమ్మతమే
తెలుగు సినీ పరిశ్రమలోకి ఇప్పుడు నిత్యం అనేకమంది కొత్తహీరో హీరోయిన్లు, దర్శకులు, రచయితలు ప్రవేశిస్తున్నారు. అటువంటి వారే కిరణ్ అబ్బవరం, చాందినీ చౌదరి. వీరిద్దరు జంటగా నటిస్తున్న ‘సమ్మతమే’ అనే పేరుతో ఇటీవలే ఓ సినిమా పూర్తి చేశారు. కొన్ని రోజుల క్రితం విడుదలైన ఈ సినిమా ఫస్ట్ గ్లింప్స్, లిరికల్ వీడియో అందరినీ విశేషంగా ఆకర్షించడంతో ఈ సినిమాపై అంచనాలు ఏర్పడ్డాయి. గోపీనాథ్ రెడ్డి దర్శకత్వంలో యూజీ ప్రొడక్షన్స్ బ్యానర్‌పై కంకణాల ప్రవీణ్ దీనిని నిర్మించారు. ఇటీవలే ఈ సినిమా షూటింగ్ పూర్తవడంతో పోస్ట్ ప్రొడక్షన్ పనులు మొదలుపెట్టమని, సినిమాను జూన్‌ 24న విడుదల చేయబోతున్నట్లు నిర్మాత ప్రవీణ్ చెప్పారు. ఈ సందర్భంగా ఓ రిలీజ్ పోస్టరును విడుదల చేశారు. ఇది పూర్తి రొమాంటిక్ ఎంటర్‌టెయినర్ అని, కనుక దీనిని యువత, ఫ్యామిలీ ఆడియన్స్ ఆదరిస్తారని భావిస్తున్నామని చెప్పారు.
