సంబంధిత వార్తలు
టాలీవుడ్ వార్తలు
రాంగోపాల్ వర్మ వెరైటీ సంక్రాంతి గ్రీటింగ్స్
అందరిలా ఉంటే అతను రాంగోపాల్ వర్మ ఎందుకవుతాడు?సంక్రాంతి పండుగకు వర్మ తనదైన శైలిలో ప్రజలకు శుభాకాంక్షలు చెప్పాడు.
“ప్రజలందరూ అంబానీకంటే ధనవంతులు కావాలి..అంబానీ ఇల్లు కంటే పెద్ద ఇల్లు ఉండాలి. ఇప్పుడూ ఎప్పుడూ కూడా మీకు ఏ వైరస్ సోకకూడదు. మగవారికి ప్రపంచంలోకెల్ల అందమైన భార్యలు రావాలి. అలాగే ఆడవాళ్ళకి మంచి అందగాడైన భర్తలు దొరకాలి. భర్తలందరికీ సంక్రాంతి శుభాకాంక్షలు. మీ భార్యలు మిమ్మల్ని ఏమీ కోరుకోకుండా మీరు ఏమి చేసినా భరించాలని ఆ దేవుడిని కోరుకొంటున్నాను. చిన్న సినీ దర్శక నిర్మాతలందరికీ శుభాకాంక్షలు. మీ సినిమాలన్నీ బాహుబలి కంటే సూపర్ హిట్ అవ్వాలని కోరుకొంటున్నాను. నన్ను ద్వేషించేవారందరికీ కూడా మనస్ఫూర్తిగా సంక్రాంతి శుభాకాంక్షలు. మీ కోసం నేను త్వరగా చనిపోవాలని ఆ దేవుడిని ప్రార్ధిస్తున్నాను,” అని ట్వీట్స్ చేశారు.
