సంబంధిత వార్తలు
టాలీవుడ్ వార్తలు
జనవరి 20 నుంచి బాలకృష్ణ కొత్త సినిమా రెగ్యులర్ షూటింగ్
బోయపాటి శ్రీను దర్శకత్వంలో వచ్చిన అఖండ సినిమా ఘనవిజయం సాధించడంతో నందమూరి బాలకృష్ణ తన కొత్త సినిమా ప్రారంభించబోతున్నారు. గోపీ చంద్ మలినేని దర్శకత్వంలో మైత్రీ మూవీస్ నిర్మిస్తున్న ఈ సినిమా పూజా కార్యక్రమాలు గత నెల 13వ తేదీన జరిగాయి. ప్రస్తుతం ప్రీ-ప్రొడక్షన్ పనులు జోరుగా సాగుతున్నాయి. జనవరి 20 నుంచి ఈ కొత్త చిత్రం రెగ్యులర్ షూటింగ్ మొదలవుతుంది. ఈ సినిమాలో శృతి హాసన్ బాలకృష్ణతో జత కట్టబోతోంది. వరలక్ష్మీ శరత్ కుమార్‌ ఈ సినిమాలో ఓ ముఖ్య పాత్ర చేయబోతున్నారు. ఈ సినిమాకు ఎస్‌ఎస్‌ ధమన్ సంగీతం అందిస్తారు. బుర్రా సాయిమాధవ్ డైలాగ్స్ వ్రాస్తున్నారు.
అఖండ సినిమా ఘన విజయం సాధించడంతో నందమూరి బాలకృష్ణ, దర్శకుడు బోయపాటి శ్రీను కలిసి తిరుమల శ్రీవారిని దర్శించుకొన్నారు. ఈ సందర్భంగా బాలకృష్ణ మీడియాతో మాట్లాడుతూ, “కుల, మత, పార్టీలకు అతీతంగా ప్రేక్షకులు అఖండ సినిమాను చూసి మాకు ఘనవిజయం అందించారు. ఇందుకు వారికి కృతజ్ఞతలు తెలుపుకొంటున్నాను,” అని చెప్పారు.
