సంబంధిత వార్తలు
టాలీవుడ్ వార్తలు
మళ్ళీ మొదలైంది ట్రైలర్..!
అక్కినేని ఫ్యామిలీ హీరో సుమంత్ లీడ్ రోల్ లో టీజీ కీర్తి కుమార్ డైరక్షన్ లో వస్తున్న సినిమా మళ్ళీ మొదలైంది. మళ్ళీ రావా సినిమాతో హిట్ అందుకున్న సుమంత్ మరోసారి మళ్ళీ సెంటిమెంట్ తో ఈ మూవీ చేస్తున్నాడు. మళ్ళీరావా లవ్ అండ్ ఫ్యామిలీ ఎంటర్టైనర్ గా ప్రేక్షకులని అలరించింది. ఇక ఇప్పుడు మళ్ళీ మొదలైందితో కూడా ఫ్యామిలీ ఆడియెన్స్ టార్గెట్ తో వస్తున్నాడు. సుమంత్ సరసన నైనా గంగూళీ నటించిన ఈ సినిమా ట్రైలర్ లేటెస్ట్ గా రిలీజ్ చేశారు. హీరో నిఖిల్ రిలీజ్ చేసిన ఈ మళ్ళీ మొదలైంది ట్రైలర్ ఆకట్టుకుంటుంది.
కొన్ని పెళ్లిళ్లకు విడాకులే ముగింపు.. అలాగే కొన్ని విడాకులకు ముగింపు అంటూ ఈ ట్రైలర్ ఆరంభమే ఆకట్టుకుంది. ఆఫ్టర్ డైవర్స్ ఒక మనిషి జీవితంలో జరిగిన సంఘటనల ఆధారంగా ఈ మళ్ళీ మొదలైంది వస్తుంది. సినిమాలో యాంకర్ వర్షిణి కూడా ఇంపార్టెంట్ రోల్ ప్లే చేసినట్టు తెలుస్తుంది. ఈ సినిమాతో సుమంత్ మళ్ళీ హిట్ ట్రాక్ ఎక్కుతాడా లేదా అన్నది చూడాలి.
