సంబంధిత వార్తలు
టాలీవుడ్ వార్తలు
పూరీ జనగణమన హీరో మారాడా..?
సూపర్ స్టార్ మహేష్, డ్యాషింగ్ డైరక్టర్ పూరీ జగన్నాథ్ ఇద్దరు కలిసి హ్యాట్రిక్ మూవీగా జనగణమన చేస్తారని అన్నారు. టైటిల్ పోస్టర్ తో పూరీ అప్పట్లో తెగ హడావిడి చేశాడు. అయితే ఆ తర్వాత ఎందుకో ఆ ప్రాజెక్ట్ సెట్స్ మీదకు వెళ్లలేదు. అయితే పూరీ ఈ సినిమాను మహేష్ తో కాకుండా పవర్ స్టార్ పవన్ కళ్యాణ్ తో చేయాలని చూస్తున్నారట. పవర్ స్టార్ తో బద్రి సినిమాతో డైరక్టర్ గా మారిన పూరీ ఆ సినిమాతో సూపర్ హిట్ అందుకుని ఆ తర్వాత పవన్ తో కెమెరామెన్ గంగతో రాంబాబు సినిమా చేశాడు.
ఈ ఇద్దరి కాంబోలో మూడవ సినిమా కోసం ఫ్యాన్స్ ఈగర్ గా వెయిట్ చేస్తున్నారు. పూరీ జనగణమన పవన్ కళ్యాణ్ తో తీస్తాడని లేటెస్ట్ టాక్. ప్రస్తుతం విజయ్ దేవరకొండతో ఫైటర్ సినిమా చేస్తున్న పూరీ ఆ సినిమా తర్వాత జనగణమన చేస్తాడని టాక్. అయితే పవన్ తో సినిమా ఓకే చేసుకున్నా ఇప్పుడప్పుడే మాత్రం ఆ సినిమా చేసే ఛాన్స్ లేదని చెప్పొచ్చు.
