సంబంధిత వార్తలు
టాలీవుడ్ వార్తలు
మెగా సెంటిమెంట్ తో సైరా రిలీజ్ డేట్..!
ఖైది నంబర్ 150తో పదేళ్ల తర్వాత రీ ఎంట్రీ ఇచ్చిన మెగాస్టార్ చిరంజీవి తన స్టామినా ఏమాత్రం తగ్గలేదని ప్రూవ్ చేసుకున్నారు. ఇక ప్రస్తుతం సైరా నరసింహారెడ్డి బయోపిక్ లో నటిస్తున్న చిరంజీవి పూర్తి ఫోకస్ ఈ సినిమా మీదే పెట్టినట్టు తెలుస్తుంది. సురేందర్ రెడ్డి డైరక్షన్ లో వస్తున్న ఈ సినిమాను కొణిదెల ప్రొడక్షన్స్ బ్యానర్ లో రాం చరణ్ నిర్మిస్తున్నారు.
ఇక ఈ సినిమా రిలీజ్ ను 2019 మే 9న ఫిక్స్ చేశారట. మెగాస్టార్ నటించిన జగదేక వీరుడు అతిలోక సుందరి, గ్యాంగ్ లీడర్ సినిమాలు మే 9నే రిలీజ్ అయ్యి సూపర్ హిట్ అయ్యాయి. ఇక ఆ మెగా సెంటిమెంట్ తోనే 2019 మే 9న సైరా నరసింహారెడ్డి సినిమా రిలీజ్ చేయాలని చూస్తున్నారు. భారీ తారాగణంతో 150 కోట్ల పైగా బడ్జెట్ తో వస్తున్న ఈ సినిమా తెలుగు, తమిళ, హింది భాషల్లో రిలీజ్ కానుంది.
