సంబంధిత వార్తలు
టాలీవుడ్ వార్తలు
నందిని రెడ్డికి తెలంగాణా ప్రభుత్వం అరుదైన గౌరవం..!
ప్రముఖ లేడీ డైరక్టర్ నందిని రెడ్డి అందరికి తెలుసినవారే. కృష్ణవంశీ దగ్గర అసిస్టెంట్ గా పనిచేసిన ఆమె అలా మొదలైంది సినిమాతో డైరక్టర్ గా మొదటి ప్రయత్నమే హిట్ అందుకుంది. ఇక ఆ తర్వాత జబర్దస్త్ సినిమా ఫ్లాప్ అవగా కళ్యాణ వైభోగమే సినిమాతో మాత్రం హిట్ అందుకుంది. ప్రస్తుతం విజయ్ దేవరకొండతో సినిమాకు ఫిక్స్ చేసుకున్న నందిని రెడ్డికి తెలంగాణా ప్రభుత్వం సత్కారం అందనుంది.
మార్చి 8 మహిళా దినోత్సవం నాడు తెలంగాణా ప్రభుత్వం అన్ని రంగాల నుండి ప్రముఖులను 20 మెంబర్స్ ను సెలెక్ట్ చేసి సత్కరించబోతున్నారు. ఈ క్రమంలో సినిమా ఫీల్డ్ నుండి నందిని రెడ్డికి సత్కారం జరుగబోతుంది. దర్శకురాలిగా నందిని రెడ్డి తన ప్రతిభ చాటుకుంటుంది. ఆమె ప్రతిభకు ప్రోత్సాహం అందించేలా ఈ సత్కారం జరుగనుందట. తెలంగాణా ప్రభుత్వం ఆధ్వర్యంలో మహిళా దినోత్సవ వేడుకలు జరుగనున్నాయి.
