సంబంధిత వార్తలు
టాలీవుడ్ వార్తలు
నానితో త్రివిక్రం.. వాటే కాంబో..!
నాచురల్ స్టార్ నాని హీరోగా మాటల మాంత్రికుడు త్రివిక్రం శ్రీనివాస్ డైరక్షన్ లో సినిమా రాబోతుందని లేటెస్ట్ ఫిల్మ్ నగర్ అప్డేట్. వరుస విజయాలతో దూసుకెళ్తున్న నాని ప్రస్తుతం మేర్లపాక గాంధితో కృష్ణార్జున యుద్ధం సినిమా చేస్తున్నాడు. ఆ సినిమా తర్వాత శ్రీరాం ఆదిత్య డైరక్షన్ లో నాగార్జునతో కలిసి మల్టీస్టారర్ కూడా చేస్తున్నాడు. ఈ రెండు సినిమాల తర్వాత నాని త్రివిక్రం తో సినిమా చేసే అవకాశాలు ఉన్నాయట.
ఇప్పటికే నానికి కథ అందించాడట త్రివిక్రం. ఫ్యామిలీ ఎంటర్టైనర్ గా ఈ సినిమా రాబోతుందని తెలుస్తుంది. ప్రస్తుతం త్రివిక్రం ఎన్.టి.ఆర్ తో సినిమా చేయాల్సి ఉంది. మార్చి నుండి ఈ సినిమా రెగ్యులర్ షూట్ కు వెళ్తుంది. నానితో త్రివిక్రం అంటే సినిమా ఏ రేంజ్ లో ఉంటుందో ఊహించేసుకోవచ్చు. త్రివిక్రం మార్క్ మాటలను నాని లాంటి నాచురల్ స్టార్ చెబితే ఎలా ఉంటుందో చూడాలి.
