సంబంధిత వార్తలు
తెలంగాణ వార్తలు
బీహార్‌: మళ్ళీ ఎన్డీయే కూటమే పక్కా!
బీహార్‌ శాసనసభ ఎన్నికలకు సంబంధించి ఇప్పటి వరకు జరిగిన ఓట్ల లెక్కింపులో మొత్తం 243 స్థానాలకు గాను 146 స్థానాలలో ఎన్డీయే కూటమి ఆధిక్యతలో దూసుకుపోతోంది. ప్రభుత్వ ఏర్పాటుకి 122 సీట్లు అవసరంకాగా అంతకంటే మరో 20-25 సీట్లు ఎక్కువే సాధించబోతున్నట్లు ఈ ఆధిక్యత స్పష్టం చేస్తోంది.
కాంగ్రెస్‌-ఆర్‌జేడీ కూటమి 89 స్థానాలలో ప్రశాంత్ కిషోర్‌ పార్టీ జన్ సూరజ్ పార్టీ-ఒక స్థానంలో ఆధిక్యతలో ఉన్నాయి.
పార్టీల పరంగా చూస్తే బీజేపి 67, జేడీయు 65 స్థానాలలో ఉండగా, కాంగ్రెస్‌-21, ఆర్‌జేడీ-58స్థానాలలో ఆధిక్యంలో ఉన్నాయి.
సర్వేలన్నీ కూడా ఎన్డీయే గెలిచి మళ్ళీ అధికారంలోకి వస్తుందని ముందే చెప్పాయి. అదే జరుగబోతోంది. జన్ సూరజ్ పార్టీ సింగిల్ డిజిట్‌కి పరిమితం అవుతుందని సర్వేలు చెప్పాయి. ఆ పార్టీ విషయంలో కూడా వాటి అంచనాలు నిజమయ్యే అవకాశాలు కనిపిస్తున్నాయి.
