సంబంధిత వార్తలు
తెలంగాణ వార్తలు
ఎమ్మెల్సీ ఎన్నికలపై ఈటల ఆసక్తికర వ్యాఖ్యలు
ఎమ్మెల్సీ ఎన్నికలపై హుజూరాబాద్‌ బిజెపి ఎమ్మెల్యే ఈటల రాజేందర్‌ ఆసక్తికర వ్యాఖ్యలు చేశారు. ఆయన మీడియాతో మాట్లాడుతూ, “టిఆర్ఎస్‌ పార్టీకి ప్రతీ ఎన్నికలలో పోటీలేకపోతే సిఎం కేసీఆర్‌ మరింత రెచ్చిపోతుంటారు. అందుకే ఈ ఎన్నికలలో మేము బలపరిచిన అభ్యర్ధి గెలుస్తారా లేదా?అని చూడకుండా నిలబెట్టాము. అయితే కరీంనగర్‌లో టిఆర్ఎస్‌కు ఓటమి తప్పదు,” అని అన్నారు.
హుజూరాబాద్‌ ఓటమి తరువాత జరుగుతున్న ఈ ఎమ్మెల్సీ ఎన్నికలు టిఆర్ఎస్‌కు చాలా ప్రతిష్టాత్మకంగా మారాయి. కనుక స్వతంత్ర అభ్యర్ధులందరి చేత నామినేషన్లు ఉపసంహరింపజేసి మొత్తం 12 స్థానాలు ఏకగ్రీవంగా గెలుచుకోవాలని టిఆర్ఎస్‌ భావించింది. కానీ ఆరు స్థానాలలో పోటీ ఎదుర్కోవలసి వస్తోంది. ఈ ఎన్నికలలో ఒకటి రెండు స్థానాలలో ఓడిపోయినా అది టిఆర్ఎస్‌కు ‘ఎదురుదెబ్బ’ అని ప్రతిపక్షాలు చెప్పుకొంటాయి. కనుక మిగిలిన ఆరు స్థానాలలో టిఆర్ఎస్‌ గెలవక తప్పని పరిస్థితి నెలకొంది.
