తెలంగాణ వార్తలు

అసెంబ్లీ ఎన్నికలలో ఘనవిజయం సాధించిన తెరాస వెన్వెంటనే జరిగిన పంచాయతీ ఎన్నికలలో కూడా ఆధిపత్యం చాటుకొంది. 

మూడు దశలలో జరిగిన పంచాయతీ ఎన్నికలలో తెరాస తొలిదశలో 2629 స్థానాలు, 2వ దశలో 2610, 3వ దశలో 2506 స్థానాలు కలిపి మొత్తం 7745 స్థానాలను గెలుచుకొంది. 

అసెంబ్లీ ఎన్నికలలో కాంగ్రెస్ పార్టీ ఘోరపరాజయం పాలైనప్పటికీ పంచాయతీ ఎన్నికలలో మళ్ళీ కొంచెం నిలద్రొక్కుకోగలిగింది. కాంగ్రెస్ పార్టీ మొదటిదశ ఎన్నికలలో 920 స్థానాలు, 2వ దశలో 835, 3వ దశలో 954 స్థానాలు కలిపి మొత్తం 2709 స్థానాలను గెలుచుకొంది. 

పంచాయతీ ఎన్నికలు ఎన్నికలలో టిడిపి, బిజెపి, సిపిఐ, సిపిఎం పార్టీల కంటే స్వతంత్ర అభ్యర్ధులే ఎక్కువ స్థానాలు గెలుచుకోవడం విశేషం. 

మొదటిదశ ఎన్నికలలో 758 స్థానాలు, 2వ దశలో 561, 3వ దశలో 509 స్థానాలు కలిపి మొత్తం 1828 స్థానాలను గెలుచుకున్నారు. 

బిజెపి మూడు దశలలో కలిపి కేవలం 163, టిడిపి-83, సిపిఎం-77, సిపిఐ-50 స్థానాలను మాత్రమే గెలుచుకోగలిగాయి.