సంబంధిత వార్తలు
తెలంగాణ వార్తలు
భువనగిరిలో పాస్‌పోర్టు సేవా కేంద్రం షురూ
యాదాద్రి భువనగిరిజిల్లా పరిసర ప్రాంతాలవాసులకు ఒక శుభవార్త. నేటి నుంచి జిల్లాప్రజలకు స్థానికంగా పాస్‌పోర్టు సేవలు అందుబాటులోకి రానున్నాయి. ఈరోజు మధ్యాహ్నం 12 గంటలకు భువనగిరిలోని పోస్టాఫీసులో పాస్‌పోర్టు సేవాకేంద్రం ప్రారంభించబడుతుందని ప్రాంతీయ పాస్‌పోర్టు కార్యాలయం అధికారి డాక్టర్‌ ఇ.విష్ణువర్ధన్‌రెడ్డి తెలిపారు. ఈ కార్యక్రమానికి భువనగిరి నరసయ్య గౌడ్ ముఖ్యఅతిథిగా హాజరవుతారు. తెలంగాణ రాష్ట్రంలో ఖమ్మం, నల్గొండ, వరంగల్‌, మెదక్‌, సిద్దిపేట, ఆదిలాబాద్‌, మహబూబ్‌నగర్‌లలో ఇటువంటి పోస్టాఫీసు పాస్‌పోర్టు సేవాకేంద్రాలున్నాయి. భువనగిరితో కలిపి రాష్ట్రంలో మొత్తం 8 పోస్టాఫీసు పాస్‌పోర్టు సేవాకేంద్రాలు ఏర్పాటు చేసినట్లవుతుంది.
4.png)
