తెలంగాణ విద్యా కమీషన్‌ ఏర్పాటుకి జీవో జారీ
తెలంగాణ రాష్ట్రంలో ప్రీ-ప్రైమరీ నుంచి యూనివర్సిటీ స్థాయి వరకు విద్యా వ్యవస్థలో అవసరమైన మార్పులు చేర్పులు చేసి, భవిష్యత్‌ అవసరాలకు తగ్గట్లుగా విద్యాభోదన చేసేందుకుగాను విధివిధానాలు రూపొందించేందుకు రాష్ట్ర ప్రభుత్వం విద్యా కమీషన్‌ ఏర్పాటు చేస్తోంది. రెండేళ్ళ కాలపరిమితిగల ఈ కమీషన్‌కు ఛైర్మన్‌గా ఓ ఐఏఎస్ అధికారిని, ముగ్గురు సభ్యులను నియమించనుంది. ఈ కమీషన్‌కు సచివాలయంలో లేదా ప్రజా భవన్‌లో కార్యాలయం ఏర్పాటు చేయనుంది.
కమీషన్‌ విధులు:
• విద్యావ్యవస్థలో లోపాలను గుర్తించి సరిదిద్దేందుకు ప్రభుత్వానికి తగిన సూచనలు, సలహాలు ఇస్తుండటం.
• ప్రస్తుతం ఉన్న విద్యా విధానంలో కొత్తగా చేయాల్సిన మార్పులు, చేర్పులు సూచించడం.
• విద్యా భోధన, పాఠ్యాంశాలను మెరుగు పరిచేందుకు అవసరమైన సూచనలు, సలహాలు ఇవ్వడం.
• ఉద్యోగాలకు అవసరమైన అర్హతలు, నైపుణ్యాలు సాధించేందుకు విద్యా వ్యవస్థలలో ప్రత్యేక శిక్షణా కార్యక్రమాలను రూపొందించి అమలుచేయించడం వంటి పలు అంశాలు ఉన్నాయి.
వీటి కోసం విద్యా కమీషన్‌కు విస్తృతమైన అధికారాలు, పరిధి కల్పించి అవసరమైన నిధులు ప్రభుత్వం అందించబోతోంది.
26.jpg "అక్టోబర్‌ 2")
