పోలీస్ ఉద్యోగ పరీక్షలలో కొన్ని మార్పులు

తెలంగాణ పోలీస్ శాఖలో 16,614 ఉద్యోగాల భర్తీకి మే 20వరకు ఆన్‌లైన్‌లో దరఖాస్తులు స్వీకరిస్తున్న సంగతి తెలిసిందే. ఈ ఉద్యోగాల రాత, ఫిజికల్ ఫిట్‌నెస్ పరీక్షలకు సంబందించి కొన్ని ముఖ్యమైన వివరాలను నియామక మండలి ఛైర్మన్ వివి శ్రీనివాసరావు తెలిపారు.  

• ఈ ఉద్యోగాలకు చాలా భారీ సంఖ్యలో అభ్యర్ధులు దరఖాస్తు చేసుకొంటారు కనుక వారిలో అర్హులను గుర్తించేందుకు ప్రాధమిక రాత పరీక్ష నిర్వహిస్తారు. ఈ పరీక్షలు జూలై నెలాఖరున లేదా ఆగస్ట్ మొదటివారంలో నిర్వహించి, సెప్టెంబర్‌ వాటి ఫలితాలు ప్రకటించాలనుకొంటున్నట్లు చెప్పారు. 

• వాటిలో ఉత్తీర్ణులైనవారికి అక్టోబర్ రెండో వారంలో శారీరిక ధారుడ్య పరీక్షలు నిర్వహించబడతాయి. 

• ఎస్సై, కానిస్టేబుల్ రెండు ఉద్యోగాలకు కొంతమంది ఎంపికవుతుంటారు. వారిలో ఎస్సై ఉద్యోగాలకు ఎంపికైనవారి పేర్లను కానిస్టేబుల్ ఉద్యోగాల జాబితాలో నుంచి వెంటనే తొలగించబడతాయి. తద్వారా ఆ ఉద్యోగాలు మిగిలినవారికి లభిస్తాయి. 

• ఈసారి శారీరిక ధారుడ్య పరీక్షలో 100, 800 మీటర్ల పరుగు రద్దు చేసి వాటికి బదులు పురుషులకు 1,600 మీటర్లు, మహిళలకు 800 మీటర్లు పరీక్ష మాత్రమే నిర్వహిస్తారు.  

• ఈసారి శారీరిక ధారుడ్య పరీక్షలో హైజంప్ పరీక్ష ఉండదు. 

• అలాగే ఇక నుంచి అభ్యర్ధుల ఛాతి కొలతలు తీసుకోబడవు. .

• అభ్యర్ధులు మైదానంలో ప్రవేశించేటప్పుడే, వారి చేతికి రేడియో ఫ్రీక్వెన్సీ ఐడెంటిఫికేషన్ బ్యాండ్ వేస్తారు. తద్వారా ఖచ్చితమైన ఫలితాలు వస్తాయి.  

ఈ ఉద్యోగాలకు సంబందించి పూర్తి వివరాల కొరకు www.tslprb.in  వెబ్‌సైట్‌లో చూడవచ్చు.