హైదరాబాద్‌కు మరో భారీ పెట్టుబడి
హైదరాబాద్‌కు మరో భారీ పెట్టుబడి రాబోతోంది. సోలార్ విద్యుత్ పరికరాలను తయారీ రంగంలో ఉన్న ప్రీమియర్ ఎనర్జీస్ సంస్థ రూ.483 కోట్లు పెట్టుబడితో హైదరాబాద్‌లో ఇప్పటికే లక్ష చదరపు అడుగుల విస్తీర్ణంలో ఓ ప్లాంట్ ఏర్పాటు చేసింది. దానిని రాష్ట్ర పరిశ్రమల శాఖ మంత్రి కేటీఆర్‌ నేడు ప్రారంభోత్సవం చేస్తారు. 750 మెగావాట్స్ సోలార్ సెల్స్, సోలార్ మాడ్యూల్స్ ఉత్పత్తి సామర్ధ్యం కలిగిన ఈ ప్లాంటులో వివిద రకాల సోలార్ విద్యుత్ పరికరాలు ఉత్పత్తి చేస్తారు.
ఆ ప్లాంట్ విస్తరణతో పాటు కొత్తగా మరో ప్లాంట్ కూడా ఏర్పాటు చేయబోతున్నట్లు ఆ కంపెనీ వ్యవస్థాపకుడు సుందర్ పాల్ సింగ్‌ ప్రకటించారు. దీనికోసం రూ.1,200 కోట్లు పెట్టుబడి పెట్టబోతున్నట్లు తెలిపారు. ముందుగా రాబోయే 4 నెలల్లో రూ.500 కోట్లు ఖర్చుతో ఓ గిగావాట్ సామార్ధ్యంతో ప్లాంట్‌ను ఏర్పాటు చేస్తామని చెప్పారు. రాబోయే రెండేళ్లలో రూ.1200 కోట్లు పెట్టుబడితో ప్లాంట్ సామర్ధ్యం 3 గిగావాట్లకు పెంచుతామని సుందర్ పాల్ సింగ్‌ చెప్పారు.
