K.G.F చాప్టర్ 2 టీజర్.. అంచనాలకు మించి..!
January 08, 2021
కన్నడ పరిశ్రమ స్థాయిని పెంచిన సినిమాగా కె.జి.ఎఫ్ చాప్టర్ 1 సూపర్ హిట్ అయ్యింది. ఎలాంటి అంచనాలు లేకుండానే సౌత్ అన్ని భాషల్లో రిలీజైన కె.జి.ఎఫ్ సెన్సేషనల్ హిట్ అయ్యింది. ఇక ప్రస్తుతం ఆ సినిమా పార్ట్ 2 సెట్స్ మీద ఉంది. ఈ ఇయర్ సమ్మర్ లో రిలీజ్ ప్లాన్ చేశారు. డైరక్టర్ ప్రశాంత్ నీల్, హీరో యశ్ కె.జి.ఎఫ్ చాప్టర్ 2 మీద పెరిగిన అంచనాలకు తగినట్టుగానే అవుట్ పుట్ వచ్చేలా చేస్తున్నారని తెలుస్తుంది.
గురువారం రాత్రి యూట్యూబ్ లో కె.జి.ఎఫ్ చాప్టర్ 2 టీజర్ ప్రత్యక్షమైంది. అసలైతే జనవరి 8 యశ్ బర్త్ డే సందర్భంగా శుక్రవారం ఉదయం 10 గంటలకు కె.జి.ఎఫ్ 2 టీజర్ రిలీజ్ ప్లాన్ చేశారు. కాని ఈ లోగానే ఎవరో ఈ టీజర్ లీక్ చేయడం జరిగింది. ఇక చేసేదేమి లేక కె.జి.ఎఫ్ నిర్మాతలు కూడా అఫీషియల్ గా టీజర్ రిలీజ్ చేశారు.
ఇక టీజర్ విషయానికి వస్తే కె.జి.ఎఫ్ ఎక్కడ ఆగిందో అక్కడ నుండే పార్ట్ 2 మొదలవుతుంది. సీక్వల్ ను ఆడియెన్స్ ఏ రేంజ్ లో ఉండాలని కోరుతున్నారో ఆ అంచనాలకు ఏమాత్రం తగ్గకుండా ఈ సినిమా వస్తుందని శాంపిల్ గా టీజర్ తోనే చెప్పాడు డైరక్టర్ ప్రశాంత్ నీల్. ముఖ్యంగా హీరోయిజం చూపించే సీన్స్ దానితోడూ మదర్ సెంటిమెంట్.. కె.జి.ఎఫ్ చాప్టర్ 2 కూడా బొమ్మ దద్దరిల్లిపోవడం ఖాయం అనేలా ఉంది. చాప్టర్ 2లో సంజయ్ దత్, రవీనా టాండన్ లాంటి స్టార్స్ కూడా నటించి సినిమాపై మరింత అంచనాలు ఏర్పడేలా చేశారు.
.jpeg "నెట్‌ఫ్లిక్స్‌లోకి టిల్లూ స్క్వేర్")
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
