సాహో ఇంటర్వల్ సీన్ కోసం అన్ని కోట్లా..!
March 15, 2019
యంగ్ రెబల్ స్టార్ ప్రభాస్ హీరోగా సుజిత్ డైరక్షన్ లో 200 కోట్ల భారీ బడ్జెట్ తో వస్తున్న సినిమా సాహో. యువి క్రియేషన్స్ బ్యానర్ లో వస్తున్న ఈ సినిమాలో ప్రభాస్ సరసన శ్రద్ధా కపూర్ హీరోయిన్ గా నటిస్తుంది. శంకర ఎహసన్ లాయ్ మ్యూజిక్ అందించిన ఈ సినిమా యాక్షన్ ఎంటర్టైనర్ గా వస్తుంది.
హాలీవుడ్ సినిమాలకు ఏమాత్రం తీసిపోని విధంగా ఈ సినిమా తీస్తున్నారు. ఇప్పటికే షేడ్స్ ఆఫ్ సాహో అంటూ వచ్చిన మేకింగ్ వీడియోస్ రెండూ సూపర్ సెన్సేషన్ క్రియేట్ చేశాయి. ఆగష్టు 15న రిలీజ్ అవనున్న ఈ సినిమా ఇంటర్వల్ సీన్ కోసం ఏకంగా 30 కోట్ల బడ్జెట్ కేటాయించారట. అబుదాబిలో జరిగే ఈ యాక్షన్ సీన్ సినిమాకే హైలెట్ గా నిలుస్తుందని అంటున్నారు.
సినిమా బడ్జెట్ మొత్తంలో 90 కోట్లు యాక్షన్ సీన్స్ కోసమే ఖర్చు పెడుతున్నారని తెలుస్తుంది. బాహుబలి తర్వాత ప్రభాస్ చేస్తున్న ఈ సాహో సినిమా ఆ సినిమా రేంజ్ కు తగినట్టుగానే ఉంటుందని తెలుస్తుంది. మరి సాహో సంచలనాలు ఎలా ఉంటాయో తెలుసుకోవాలంటే సినిమా వచ్చేదాకా వెయిట్ చేయాల్సిందే.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
