దర్శకుడే మొదటి ప్రేక్షకుడు : ఎన్.టి.ఆర్
October 15, 2018
ఎన్.టి.ఆర్, త్రివిక్రం కాంబినేషన్ లో వచ్చిన అరవింద సమేత సినిమా విజయపథంలో దూసుకెళ్తుంది. అక్టోబర్ 11న రిలీజైన ఈ సినిమా నందమూరి ఫ్యాన్స్ కు మాత్రమే కాదు సిని ప్రియులను విశేషంగా ఆకట్టుకుంది. హారిక అండ్ హాసిని క్రియేషన్స్ బ్యానర్ లో రాధాకృష్ణ నిర్మించిన ఈ సినిమాలో పూజా హెగ్దె హీరోయిన్ గా నటించింది.
ఈ సినిమా సక్సెస్ మీట్ ఆదివారం జరిగింది. కార్యక్రమంలో భాగంగా ఎన్.టి.ఆర్ త్రివిక్రం తో తన పరిచయం 12 ఏళ్ల నుండి ఉన్నా ఈ సినిమాతో మరింత దగ్గరయ్యాడు. త్రివిక్రం తన పిల్లలకు మామయ్య, తన భార్యకు అన్న, తనకు బావ అన్నాడు ఎన్.టి.ఆర్. ఈ కథ కంటే ముందు రెండు కథలు బాగున్నాయని చెప్పినా వాటిని పక్కన పెట్టి ఈ కథను ఎంచుకున్నాడు త్రివిక్రం.
సినిమాలో తన నటన గురించి వస్తున్న ప్రశంసలు అన్ని త్రివిక్రం కు దక్కాల్సిందే. నటుడికి దర్శకుడే మొదటి ప్రేక్షకుడు అని అన్నాడు ఎన్.టి.ఆర్. ఇక ఈ సినిమా కోసం కంటికి కనిపించని శత్రువుతో బయటకు కనిపించని యుద్ధం చేశాడని అన్నాడు ఎన్.టి.ఆర్. మొత్తానికి ఎన్.టి.ఆర్ ను త్రివిక్రం.. త్రివిక్రం ను ఎన్.టి.ఆర్ ప్రంశంసించుకుంటూ సక్సెస్ మీట్ సరదాగా సాగించారు.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
