ఎన్టీఆర్ సినిమాకు బాలకృష్ణ సెంటిమెంట్..!
June 18, 2018
నందమూరి బాలకృష్ణ లీడ్ రోల్ లో ఎన్.టి.ఆర్ బయోపిక్ తెరకెక్కుతున్న సంగతి తెలిసిందే. తేజ డైరక్షన్ లో మొదలైన ఈ సినిమా ఇప్పుడు క్రిష్ చేతుల్లోకి వచ్చింది. ఎన్.టి.ఆర్ జీవిత చరిత్రగా అన్ని విషయాల గురించి ఈ సినిమాలో ప్రస్థావించడం జరుగుతుందని తెలుస్తుంది. సినిమాలో బాలకృష్ణ 53 గెటప్పులలో కనిపిస్తారట. క్రిష్ టేకప్ చేసిననాటి నుండి బయోపిక్ స్పీడందుకుంది.
ఇక ఈ సినిమా అసలైతే ఈ ఇయర్ దసరాకి రిలీజ్ చేయాలని అనుకున్నారు కాని ఇప్పుడు ఫైనల్ గా 2019 సంక్రాంతి బరిలో దించాలని చూస్తున్నారట. బాలకృష్ణ 100వ సినిమాగా వచ్చిన గౌతమిపుత్ర శాతకర్ణి సినిమా క్రిష్ డైరక్షన్ లోనే తెరకెక్కింది. ఆ సినిమా కూడా సంక్రాంతికి వచ్చి మంచి విజయాన్ని అందుకుంది. ఆ సెంటిమెంట్ మాత్రమే కాదు సంక్రాంతి అంటే బాలయ్య సినిమా సందడి ఉండాల్సిందే. పొంగల్ వార్ లో బాలయ్య మ్యాక్సిమం హిట్లు కొట్టారు అందుకే ఎన్.టి.ఆర్ సినిమాను జనవరి 9న రిలీజ్ చేయాలని చూస్తున్నారట.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
