రేషన్‌కు బయోమెట్రిక్ రద్దు... ఫిబ్రవరి నుంచి ఓటిపి
January 13, 2021
తెలంగాణ ప్రజా పంపిణీ వ్యవస్థలో స్వల్ప మార్పులు చోటుచేసుకున్నాయి. రేషన్ దుకాణంలో ప్రస్తుతం ఉన్న బయోమెట్రిక్ విధానానికి త్వరలో స్వస్తి పలకనున్నారు. కరోనా కారణంగా ఈ విధానానికి స్వస్తి పలకాలని నిర్ణయించినట్లు పౌరసరఫరాల అధికారులు చెబుతున్నారు. బయోమెట్రిక్ బదులు ఆహారభద్రత కార్డులో ఉన్న రిజిస్టర్డ్ మొబైల్ నెంబర్‌కు వన్ టైం పాస్ వర్డ్(ఓటీపీ)పంపిస్తామని అది చెప్పి రేషన్ దుకాణంలో సరుకులు తీసుకోవచ్చని అధికారులు తెలిపారు. పౌరసరఫరాశాఖ ఈ మేరకు రేషన్ దుకాణాలకు ఆదేశాలను జారీ చేసింది. ఈ ఓటీపీ విధానాన్ని వచ్చే నెల నుంచి అమలు చేసేందుకు అన్ని ఏర్పాట్లు చేశామని పౌరసరఫరాలశాఖ అధికారులు తెలిపారు. కనుక రేషన్ సరుకులను తీసుకునేవారందరూ తప్పనిసరిగా తమ ఆహారభద్రత కార్డుకి తమ మొబైల్ నెంబర్‌ను అనుసంధానం చేసుకోవాలని అధికారులు సూచించారు.
7.jpg "ఈటల నామినేషన్ వేశారు... గెలుస్తారా?")
