బదిలీలపై మళ్ళీ నిషేధం
తెలంగాణా ప్రభుత్వోద్యోగుల బదిలీలపై రాష్ట్ర ప్రభుత్వం మళ్ళీ నిషేధం విదించింది. ప్రభుత్వ ప్రధానకార్యదర్శి ఎస్.కె.జోషి ఈమేరకు సోమవారం ఉత్తర్వులు జారీ చేశారు. సాధారణ బదిలీలపై నిషేధం జూన్ 16 నుంచి అమలులోకి వచ్చిందని, ఆరు నెలలపాటు ఈ నిషేధం అమలులో ఉంటుందని ఉత్తర్వులలో పేర్కొన్నారు. కనుక ఇక నుంచి ప్రభుత్వం, ఆర్ధికశాఖ అనుమతి లేకుండా ఏ శాఖలోను ఉద్యోగులు, అధికారులను బదిలీ చేయరాదని ఉత్తర్వులలో పేర్కొన్నారు. అయితే ఉపాద్యాయుల బదిలీలపై ఇంకా నిషేధం విదించలేదు. ఆ ప్రక్రియ పూర్తయిన తరువాత వాటిపై కూడా నిషేధం విధిస్తుంది.
ప్రభుత్వోద్యోగుల బదిలీలపై నిషేధం విధించినప్పటికీ కొన్ని ప్రత్యేక కేసులకు సడలింపు ఉంటుందని ఉత్తర్వులలో పేర్కొన్నారు. ఆ వివరాలు:
పదోన్నతులపై బదిలీ అయ్యేవారికి ఈ నిషేధం వర్తించదు. కానీ బదిలీ అయ్యే ప్రాంతంలో ఆ పదవి ఖాళీ ఉండాలి. ఆరు నెలలు అంతకంటే ఎక్కువ కాలం శలవులో వెళ్లినవారికి పోస్టింగ్ ఇవ్వవచ్చు. కానీ అక్కడ ఆ పోస్టు ముందే ఖాళీగా ఉన్నపుడే పోస్టింగ్ ఇవ్వవచ్చు. వివిధ శాఖలలో ఏ జిల్లాలోనైనా ఏ కారణం చేతైనా పోస్టులు రద్దు చేసినట్లయితే, ఆ పోస్టులో ఉన్న ఉద్యోగిని వేరే ప్రాంతానికి బదిలీ చేయవచ్చు. పరిపాలనా సౌలభ్యం కోసం బదిలీలు చేపట్టాలంటే తప్పనిసరిగా సంబంధిత మంత్రి, ప్రధాన కార్యదర్శి, ఆర్ధికశాఖ కార్యదర్శి అనుమతి పొందాలి.
6.jpg "కూతురు కోసం కేసీఆర్‌ మోడీతో చీకటి ఒప్పందం: పొన్నం")
