విద్యుత్ శాఖలో 800 జూనియర్ లైన్ మ్యాన్ ఉద్యోగాలు
February 10, 2018
ఎన్.పి.డి.సి.ఎల్. (నార్తన్ పవర్ డిస్ట్రిబ్యూషన్ కంపెనీ ఆఫ్ తెలంగాణా లిమిటెడ్) లో గల 800 జూనియర్ లైన్ మ్యాన్ ఉద్యోగాలకు త్వరలో నోటిఫికేషన్ జారీ చేయించడానికి సన్నాహాలు జరుగుతున్నాయని ఆ సంస్థ సి.ఎం.డి. అన్నమనేని గోపాల్ రావు చెప్పారు. వరంగల్ రూరల్ జిల్లాలో నర్సంపేటలో గల తమ సంస్థ కార్యాలయంలో జరిగిన ఒక కార్యక్రమానికి హాజరైన అయన ఉద్యోగులను ఉద్దేశ్యించి మాట్లాడినప్పుడు ఈ విషయం తెలియజేశారు. ఇప్పటికే 108 అసిస్టెంట్ ఇంజనీర్లను తీసుకొని వారిని అవసరమైన శిక్షణ కార్యక్రమాలకు పంపించామని తెలిపారు. రాష్ట్రాభివృద్ధి కోసం జరుగుతున్న కృషిలో పై నుంచి క్రిందవరకు అందరూ యధాశక్తిన తోడ్పడాలని ఆయన కోరారు.
