ఎస్.బి.ఐ. ఖాతాదారులకు శుభవార్త
స్టేట్ బ్యాంక్ ఆఫ్ ఇండియా సేవింగ్స్ అకౌంట్ ఖాతాదారులకు ఒక శుభవార్త. సేవింగ్స్ ఖాతాలలో కనీసం నిలువ ఉంచవలసిన రూ.5,000 లను రూ.3,000 కు తగ్గిస్తున్నట్లు ప్రకటించింది. పెన్షనర్లు, మైనర్లను ఈ కనీసపు బ్యాలెన్స్ నుంచి మినహాయింపు ఇస్తున్నట్లు తెలియజేసింది.
మెట్రో, అర్బన్, సెమీ అర్బన్, గ్రామీణ ప్రాంతాలకు ఎస్.బి.ఐ. సవరించిన మినిమం బ్యాలెన్స్ ఇక నుంచి ఈవిధంగా ఉంటుంది.
ఇప్పటివరకు మెట్రో నగరాలలో రూ.5,000 ఉండగా దానిని రూ.3,000కు తగ్గించింది. పట్టణాలలో రూ.3,000 బ్యాలెన్స్ ను మార్చలేదు. కనుక మెట్రో నగరాలు, పట్టణాలలో మినిమం బ్యాలెన్స్ సమానంగా అంటే రూ.3,000 ఉంచవలసి ఉంటుంది.
అలాగే చిన్న పట్టణాలలో రూ.2,000, గ్రామాలలో రూ.1,000 గా ఉన్న మినిమం బ్యాలెన్స్ ను మార్చలేదు. అవి యధాప్రకారం కొనసాగుతాయి.
సవరించిన ఈ మినిమం బ్యాలెన్స్ తమ ఖాతాలలో ఉంచని వారిపై మెట్రో, అర్బన్ ప్రాంతాలలో రూ.30-50 వరకు సర్వీస్ చార్జీలను వసూలు చేస్తామని ప్రకటించింది. అదేవిధంగా చిన్న పట్టణాలలో గ్రామీణ ప్రాంతాలలో వారి నుంచి రూ.20-40 సర్వీస్ చార్జీలను వసూలు చేస్తామని ప్రకటించింది. అక్టోబర్ 1వ తేదీ నుంచి ఈ చార్జీలు వర్తిస్తాయని తెలిపింది.
